DR. ARIAN CELAJ - Këmba planovalgoide tek fëmijët.

Këmba planovalgoide tek fëmijët është një deformim i shpeshtë, dhe shihet shpesh në praktikën klinike.

Si definohet një këmbë planovalgoide ?

Këmba planovalgoide tek fëmijët ka tre komponentë:

Këmba e pasme ose hindfoot në valgus
Këmba e përparme ose forefoot në abduksion
Kolaps i harkut longitudinal medial të këmbës

Këmba planovalgoide tek fëmijët klasifikohet në dy kategori:

Këmbë planovalgoide fleksibël (fiziologjike)
- Pesplanus fleksibël asimptomatik
- Pesplanus fleksibël simptomatik
Këmbë planovalgoide rigide (patollogjike)

Pesplanus fleksibël asimptomatik

Në rastet e pesplanus fleksibël asimtomatik, arësyeja është hormoni i nënës relaksinë në qarkullimin fetal që me rritjen e fëmijës metabolizohet gradualisht.

Në 80% të rasteve me pesplanus fleksibël asimptomatik, deformimi vetë-korrigjohet rreth moshës 5-6 vjec. Fëmija me pesplanus fleksibël asimptomatik nuk paraqet kontrakturë të kordës së thembrës, dhe në mënyrë tipike ka hiperlaksitet të gjeneralizuar.

Në pesplanus fleksibël asimptomatik harku medial longitudinal riformohet nëse fëmija është i relaksuar në prehrin e prindit dhe nuk ka kontrakturë të kordës së thembrës, tendinit të akilit.

Shumë prindër të shqetësuar për deformimin e fëmijës së tyre me të drejtë pyesin:

A duhen përdorur ORTOZA në trajtimin e këtij deformimi?

Përdorimi i ortozave, nuk ndryshon historinë natyrale të progresit të pesplanus fleksibël. Nuk rekomandohet përdorimi, pasi nuk e ndihmon fëmijën.

Më poshtë të interesuarit mund të lexojnë një studim të rëndësishëm në lidhje me efektivitetin e përdorimit të ortezave në rastet me pesplanus fleksibël tek fëmijët.

A ka nevojë fëmija për ndonjë lloj KEPUCE SPECIALE për të korrigjuar deformimin?

Përgjigja përsëri është JO, as këpucët speciale nuk e ndryshojnë kursin natyral të deformimit, sic evidentohet edhe në studimin më poshtë.

A ndihmon fizioterapia apo ushtrime specifike në korrigjimin e deformimit?

Përsëri përgjigja është JO. Studimet si më poshtë shënuar, tregojne se fizioterapia nuk është e indikuar në këtë kategori pacientësh. Mund të inkurajohen prindërit që fëmija të ecë me këmbë zbathur në bar apo në rërë.

A është e mundur që një deformim i tillë persistent të shkaktojë paaftësi të rëndësishme ?

Përgjigja është përsëri JO.

Shpesh vihet re që familjare të tjerë janë të prekur nga i njëjti deformim, por në aktivitetin e tyre të përditshëm pa dhimbje, pa kufizime, apo paaftësi.

Pesplanus fleksibel simptomatik

Me pak se 10% e rasteve prezantohen me pesplanus simptomatik apo mund të bëhen simptomatik, kryesisht në adoleshence. Kjo është vene re tek fëmijët me tendencë obeziteti apo me kontrakturë të tendinit të akilit, kordë të thembrës të shkurtër.

Në pesplanus simptomatik pacienti ka dhimbje në pjesën plantare mediale, të brendshme, dhimbje në sinus tarsi si pasojë e impingement, konsumim i këpucëve nga brenda.

Në këto raste këshillohen brojtëse thembrash si në foton më poshtë, apo suporte akomoduese plantare si në foto.

Është e GABUAR përshkrimi i plantareve që ngrenë harkun plantar medial.

Përdorimi i tyre shkakton konflikt dhe gjithashku shkakton më shumë dhimbje.

Prandaj duhet të përshkruhen ortoza akomoduese për një deformim të tillë.

Shpesh pacienti ezaurohet me trajtimin koservativ, dhe nuk është i kënaqur me gjëndjen, dhe është e natyrshme të kërkojë një zgjidhje, qoftë kjo edhe kirurgjikale. Si pasojë e dhimbjes pacienti mund të ketë paaftësi të niveleve të ndryshme apo qoftë edhe pamja kozmetike bëhet shumë problem për pacientin.

Kozmetika shpesh bëhet problem psiko social për pacientin dhe familjarët.

Në këto raste pacienti i drejtohet trajtimit KIRURGJIKAL.

Pacienti dhe familjarët duhet të qartësohen mirë përpara operacionit të propozuar, pasi në shumicën e pacientëve të trajtuar kirurgjikalisht, deformimi mund të RIKTHEHET.

Kjo ndodh sepse kirurgjia korrigjon deformimin në aspektin e biomekanikës, por jo shkakun e vërtetë të defomimit, hiperlaksitetin. Dhe kjo është më e shpeshtë sa më të vegjël të jenë fëmijët që trajtohen kirurgjikalisht.

Ka teknika kirurgjikale që përshkruhen në këto raste:

OPERACIONI I OSTEOTOMISË ME ZGJATJE TË KALKANEUSIT

OPERACIONI I ARTHROEREESIS

Arthroereesis është një teknikë e re e promovuar për korrigjimin e deformimit, në pesplanus valgus simptomatik, apo në pacientët me pretendime kozmetike.

Mjaft kirurgë e pëlqejnë këtë teknike për trajtimin e këtij deformimi, disa të tjerë JO. Është procedurë kirurgjikale teknikisht shumë e thjeshtë, icizion dhe cikatrice minimale. Por studimet referojnë 30% komplikacione. Kjo është një përqindje e konsiderueshme që edhe mjeku edhe pacienti duhet të mendohen mirë përpara realizimit të kësaj procedure kirurgjikale.

30 % komplikacione, ndërlikime që përfshijnë: