Artroskopi apo sic quhet ndryshe kirurgji artroskopike, është një procedurë kirurgjikale miniinvazive në një artikulacion të caktuar, përdor artroskopin, endoskopin për të hyrë brënda në artikulacion me kamera dhe instrumente kirurgjikale, nëpërmjet incizioneve minimale për arësye ekzaminuese apo trajtuese.
Eshtë procedurë që realizohet shpesh në artikulacionin e gjurit, supit dhe pak me rrallë në atë të bërrylit, art. radiokarpal, talokrural apo atë koksofemoral, dhe shumë më rrallë në artilacione të tjera.
Artroskopi është i preferuar në shumë procedura pasi rezulton në me pak dhimbje pas operacionit krahasimisht me kirurgjine e hapur, më pak kufizim të lëvizjeve dhe pacienti rikuperohet më shpejt.
Kur pacienti e ka të domosdoshme procedurën Artroskopi?
·Në rupturat e ligamentit kruciat anterior dhe posterior
·Në pozicionimet jo normale të kupës së gjurit, patelës
·Kur ka copa të kartilagos brënda në artikulacion të gjurit
·Heqje e cistit Baker
·Frakturat intraartikulare të platosë tibiale
·Rupturat e menisqeve
·Tendinitet dhe bursitet e supit
·Akromioplastikë supi në sindromën e impingement
·Në riparimin e SLAP në sup
·Luksacionin, daljen jashtë vëndi të supit
·Në supin e ngrirë
·Dëmtimet e mashetës rotatore të supit
·Dëmtimet e artikulacionit akromioklavikular
·Kirurgjinë e tendinit biceps
·Impingement të artikulacionit koksofemoral etj.
Si të pregatiteni për procedurën Artroskopi?
·Pacienti duhet të realizojë të gjithë bilancet preoperatore, konsultat me specialistë të tjerë dhe ekzaminimet suplementare të kërkuara nga mjeku trajtues.
·Duhet ndërprere marrja e medikamenteve të caktuara disa ditë apo jave para interventit; si aspirina apo antikoagulantë të tjerë; si ibuprofeni apo antiinflamatorë të tjerë.
·Duhet të qëndrojë esëll 6-12 orë para interventit
Pas procedurës menjëhere fillon fizioterapia dhe në varësi të procedurës kirurgjikale, rikuperimi është relativisht i shpejtë. Mund të përdorë paterica për disa ditë apo disa javë në varësi të procedurës.
Shumë shpejt pacienti mund ti kthehet aktivitetit dhe punëve të tij të përditëshme.