Sëmundja e Dupuytren është një gjëndje që prek indet në pëllëmbën e dorës dhe gishtat. Sëmundja Dupuytren mund të prekë një ose më shumë gishta që përkulen përgjithmonë nga brënda.
Kontraktura e Dupuytren fillon me një grumbullim të qelizave në pëllëmbën e dorës që çon në gunga të vogla. Këto gunga janë beninje (jo kanceroze) dhe zakonisht pa dhimbje.
Në disa raste të kontrakturës së Dupuytren, simptomat janë të lehta dhe nuk nevojitet trajtim. Megjithatë, mund të kërkohet trajtim nëse funksioni normal i dorës është i dëmtuar.
XIAPEX® është ilaçi i parë i licencuar për të rriturit me kontrakturë Dupuytren që kanë një kordon të prekshëm.
Trajtimi fillon me dy vizita te mjeku, një për të marrë injeksionin dhe një tjetër gjatë së cilës mjeku do të shtrijë gishtin për të ndihmuar në përfundimin e ndërprerjes së kordonit.
Nëse keni kontrakturë të Dupuytrenit në disa gishta, mjeku do t’ju këshillojë se cili gisht duhet të të trajtohet fillimisht, pasi mund të trajtohet vetëm një kordon në të njëjtën kohë.
XIAPEX® përbëhet nga enzima të quajtura kolagjenaza, të cilat shpërbëjnë kordonin. Ai injektohet direkt në kordonin nën lëkurë.
Çfarë përfshihet në trajtimin me XIAPEX®?
Procedura e injektimit.
Mjeku do të japë informacion ku do të bëhet trajtimi. Kjo nuk është një procedurë kirurgjikale.
Pas injektimit, dora do të jetë e mbështjellë me fasho.
Do t’ju kërkohet të qëndroni për 30 minuta për t’u siguruar që nuk keni një reaksion alergjik ndaj ilaçit.
Mjeku ose infermierja do ju japë udhëzime të rëndësishme që duhet të ndiqni kur të ktheheni në shtëpi. Këto mund të përfshijnë:
• Mos kryeni aktivitete të rënda me dorën tuaj të prekur
• Shmangni përkuljen ose drejtimin e gishtave të dorës tuaj të prekur
• Mbajeni dorën lart sa më shumë të jetë e mundur
• Mos u përpiqni të thyeni kordonin që keni marrë injeksionin
• Shmangni lagimin e fashimit
Ju duhet të kontaktoni menjëherë mjekun ose infermieren tuaj nëse përjetoni ndonjë situatë nga të mëposhtmet:
• Shenjat e një reaksioni alergjik, si skuqje, ënjtje, shtrëngim në fyt ose vështirësi në frymëmarrje
• Marramendje ose të fikët
• Ënjtje, mpirje ose ndjesi shpimi gjilpërash në dorën e trajtuar
• Shenjat e infeksionit, si ethe ose të dridhura.
Do t’ju kërkohet të ktheheni ditën tjetër, në mënyrë që mjeku të sigurohet se injeksioni ishte i suksesshëm dhe të kryejë procedurën e drejtimit të gishtit.
Në disa raste, gishti i trajtuar mund të drejtohet vetë pas injektimit.
Është shumë e rëndësishme që të mos përpiqeni ta shtyni gishtin të drejtohet.
Shumica e njerëzve përjetojnë ënjtje, mavijosje dhe gjakderdhje rreth zonës së injektuar.
Procedura e drejtimit të gishtave.
Kur të ktheheni për vizitën tuaj të dytë, mjeku do të heqë fashimin dhe do të drejtojë gishtin për të thyer kordonin.
Duke qenë se kjo procedurë mund t’ju shkaktojë pak shqetësim, mjeku mund t’ju japë një anestezi lokale. Mund të përjetoni një ënjtje ose mavijosje të dorës së trajtuar pas kësaj procedure.
Është gjithashtu e mundur që lëkura mund të çahet gjatë procedurës së drejtimit, veçanërisht nëse lëkura juaj është ngjitur në kordon.
Mjeku do t’ju tregojë se si të kujdeseni për lëkurën nëse kjo ndodh.
Mjeku do t’ju rekomandojë gjithashtu barnat e duhura nëse keni nevojë për qetësim dhimbjeje.
Para se të largoheni, do t’ju jepet një splint që vendoset para gjumit.
Gjithashtu do të jepen disa ushtrime për të bërë çdo ditë.
Vizita vijuese.
Do t’ju kërkohet të ktheheni te mjeku për një vizitë pasuese rreth 30 ditë më vonë. Nëse është e nevojshme, mund të merrni trajtim të mëtejshëm, pasi ta diskutoni atë me mjekun.
Gjithashtu mund t’ju kërkohet të vazhdoni të mbani ortezë para gjumit deri në 4 muaj. Nëse kordoni nuk lirohet pas trajtimit të parë, mund të bëni deri në dy trajtime të tjera, secila e ndarë me 4 javë.
XIAPEX® mund të përdoret vetëm për të trajtuar një kordon të kontrakturës.
Nëse keni më shumë se një kyç ose gishta të tjerë të prekur nga një kordon, ato do të trajtohen veçmas.
Cilat janë efektet anësore të trajtimit me XIAPEX®?
Duhet të kontaktoni menjëherë mjekun ose infermieren nëse keni ndonjë efekt anësor pas trajtimit që ju shqetëson.
Në provat klinike, shumica e efekteve anësore të përjetuara nga pacientët ishin të lehta deri në mesatare dhe në përgjithësi u larguan brenda 2 javësh nga procedura.
Efektet anësore më të zakonshme (që prekin më shumë se 1 përdorues në 10) ishin:
• Reaksione në vendin e injektimit si gjakderdhje, dhimbje, ënjtje, ndjeshmëri dhe mavijosje
• Kruarje në dorë
• Dhimbje në dorë, kyç ose krah
• Gjëndra të fryra ose të zmadhuara pranë bërrylit ose nën krah
• Ënjtje në dorë ose krah.
Efektet anësore të tjera (që prekin 1 deri në 10 përdorues në 100) ishin:
• Reaksione në vendin e injektimit si dhimbje, ngrohtësi, ënjtje, flluska, skuqje dhe/ose skuqje
• Plagë në lëkurë në vendin e injektimit
• Dhimbje në gjëndrat pranë bërrylave ose nën krah
• Ënjtje dhe dhimbje kyçesh
• Ndjesi djegieje, humbje e pjesshme e ndjeshmërisë, ndjenjë e “gjilpërave” dhe/ose mpirje
• Marramendje, dhimbje koke, të vjella
• Djersë e shtuar.
Ju duhet të informoni mjekun nëse jeni duke ushqyer me gji ose jeni shtatzënë, ose nëse keni marrë antikoagulantë (ilaçe, të tilla si warfarina dhe aspirina, që hollojnë gjakun) ose antibiotikë, pasi trajtimi me XIAPEX® mund të mos jetë i përshtatshëm për ju.
A do të rikthehet gjendja ime?
Aktualisht nuk ka një kurë të përhershme për sëmundjen e Dupuytren. Megjithatë, XIAPEX® është një alternativë efektive trajtimi për kontrakturën e Dupuytren në të rriturit me një kordon të palpueshëm dhe përgjithësisht tolerohet mirë.
Megjithatë, për shkak se nuk trajton sëmundjen që shkakton kontrakturën, kordoni mund të rishfaqet në të ardhmen.
Në këtë rast, mjeku mund të rekomandojë një cikël tjetër trajtimi me XIAPEX® ose një nga disa opsionet e tjera të trajtimit.
Informacion i rëndësishëm që duhet të keni parasysh për XIAPEX®
• Është vetëm për të rriturit me kordon të palpueshëm
• Rekomandohet të shoqëroheni nga një mik, anëtar i familjes ose kujdestar në takimet tuaja. Nuk do të jeni në gjendje të përdorni dorën gjatë trajtimit dhe nuk do të jeni në gjëndje të ngisni makinën
• Duhet të siguroheni që mjeku të dijë për cdo ilaç tjetër që po merrni aktualisht, duke përfshirë barnat pa recetë
• Trajtimi është i kundërindikuar nëse jeni duke marrë ilaçe që përdoren për të holluar gjakun tuaj. Megjithatë, doza e ulët e aspirinës mund të jetë e përshtatshme (deri në 150 mg në ditë).
• Nuk rekomandohet nëse keni marrë antibiotikë tetraciklin (siç është doksiciklina) 14 ditë para injektimit • Nuk rekomandohet nëse jeni shtatzënë