Trajtimet e skoliozës ndryshojnë, në varësi të madhësisë së kurbës. Fëmijët që kanë kurba të lehta zakonisht nuk kanë nevojë për ndonjë trajtim, megjithëse mund të kenë nevojë për kontrolle të rregullta për të parë nëse kurba po përkeqësohet me rritjen.
Korseja ose operacioni mund të nevojiten nëse kurba e shtyllës kurrizore është e moderuar ose e madhe.
Nëse kockat e një fëmije kanë ndaluar së rrituri, rreziku i përparimit të kurbës është i ulët. Kjo gjithashtu do të thotë se korsete kanë efektin më të madh tek fëmijët kockat e të cilëve janë ende në rritje.
Nëse fëmija juaj ka skoliozë të moderuar dhe kockat janë ende në rritje, mund të rekomandohet një korse. Mbajtja e një korseje nuk do të kurojë skoliozën ose nuk do ta korrigjoje kurben, por zakonisht parandalon që kurba të përkeqësohet.
Lloji më i zakonshëm i korsese është bërë prej plastike dhe është i konturuar në përputhje me trupin. Korseja është pothuajse e padukshme nën rroba, pasi përshtatet nën krahë dhe rreth kafazit të kraharorit, pjesës së poshtme të shpinës dhe ijeve.
Shumica e korseve vishen nga 13 deri në 16 orë në ditë. Efektiviteti rritet me numrin e orëve në ditë që mbahet. Fëmijët që mbajnë korse mund të marrin pjesë në shumicën e aktiviteteve dhe kanë pak kufizime. Nëse është e nevojshme, një fëmijë mund të heqë korsene për të marrë pjesë në sporte ose aktivitete të tjera fizike.
Skolioza e rëndë zakonisht përparon me kalimin e kohës, dhe mund të sugjerohet operacioni për të ndihmuar në rregullimin e kurbës dhe parandalimin e përkeqësimit të saj.
Komplikimet e operacionit të shtyllës kurrizore mund të përfshijnë gjakderdhje, infeksion ose dëmtim nervor.
